సాహితీ స్రవంతి ప్రజలకు సాంస్కృతిక కర్తవ్యాలను గ్రహించేలా చేయటానికి గత పదహైదు
ఏళ్ళుగా సముచితమైన కృషి చేస్తున్నది, సాహిత్య సంఘంలో పాఠకులను సంస్కార వంతులుగా
చేయటానికి కవిత్వం, కథ, నవల, విమర్శ లాంటి ప్రక్రియలలో నిజాయితీ, చిత్త శుద్ధితో పరిశ్రమిస్తున్నది.
__సింగమనేని నారాయణ, సాహితీవేత్త
సమకాలీన సామాజిక అవగాహనల దొంతి సాహితీ స్రవంతి, భావి సాహితీవేత్తలను స్ఫూర్తిని పంచే విజ్ఞానజ్యోతి సాహితీ స్రవంతి, భవిష్యత్ తరానికి భద్రమైన అక్షర భవంతి సాహితీ స్రవంతి
___ఏలూరి ఎంగన్న జనప్రియ కవి
సాహితీవేత్తలు, సాహిత్య పాఠకులు కలిసి ఉత్తమ సాహిత్యాన్ని దర్శించి విశ్లేషించుకునే
సాహిత్య కళాసౌందర్యవేదిక, సమున్నత మానవతా సామాజిక సంస్కార దీపిక సాహితీ స్రవంతి
____మల్లెల నరసింహమూర్తి, అరసం
మతతత్వ ఫ్యూడల్ భావజాలాన్ని ధిక్కరిస్తూ సాహిత్య సాంస్కృతిక చైతన్యానికి శక్తివంచన
లేకుండా కృషి చేస్తున్న సంస్థ సాహితీ స్రవంతి
__రాధేయ, సాహితీవేత్త
'సాహితీ స్రవంతి, సాహిత్య ప్రస్థానం (పత్రిక) జన కవనం (కవిసమ్మేళనం) ఇదొక త్రిపుటి.
ఈ త్రిపుటి సామాజిక పరివర్తన ఏకైక లక్ష్యంగా గురుతర బాధ్యత నిర్వహిస్తున్నది. వామపక్ష భావజాలం ప్రధాన తాత్వికతగా ఉంటూ, ప్రజాస్వభావం గలఇతర భావజాలాలను గౌరవిస్తూ, విశాల ప్రాతిపదిక మీద ఈ త్రిపుటి నిరంతరం శ్రమిస్తున్నది.
___ డా॥రాచపాళెం చంద్రశేఖర్ రెడ్డి,
కేంద్ర సాహిత్య అకాడమి అవార్డు గ్రహీత
No comments:
Post a Comment